НАУРЫЗ

Толығырақ

Құрылды 20.03.2025 14:31

Ағымдағы жылдың 20 наурызында Уәлиханов ауыл шаруашылық колледжінде "Ұлыстың Ұлы күні – Наурыз" мерекесіне арналған үлкен іс-шара өтті. 

Бұл шара қазақ халқының мәдениетін, дәстүрлері мен ұлттық ойындарын насихаттауға арналды. Мерекелік бағдарлама барысында студенттер ән айтып, би билеп, ұлттық дәстүрлерді сахналық қойылымдар арқылы көрсетті. "Шашу", "Беташар", "Аластау" сынды қазақ халқының салт-дәстүрлері қойылым ретінде ұсынылып, көрермендердің ыстық ықыласына бөленді. Сонымен қатар, ұлттық ойындар ұйымдастырылып, қатысушылар өз шеберліктерін көрсетті. Әділ қазылар алқасы ең үздік дастархан, дәстүрді көрсету және белсенді қатысу номинациялары бойынша топтарды марапаттады. Мереке соңында жеңімпаздар арнайы мадақтамалармен марапатталды. Шараға қатысқан барша қонақтарға алғысымызды білдіреміз! Келер жылы Наурыз мейрамында тағы да жүздесуге жазсын!