«Қош келдің, Жаңа жыл!»
- Толығырақ
- Құрылды 30.12.2022 09:07
Ағымдағы жылдың 28 желтоқсанында Уәлиханов ауылшаруашылық колледжінде «Қош келдің, Жаңа жыл!» атты студенттерге арналған жаңа жылдық мерекелік кеш өткізілді. Жаңа жылдық шыршада директордың оку-ісі жөніндегі орынбасары Усенова Гульзира Рамазановна Жаңа жыл мерекесімен құттықтау сөзін сөйлеп, студенттерді марапаттады. Әдемі безендірілген жасыл шырша жанында Аяз ата, Ақшақар, қоян мен барыс балалар көңілін серпілтті. Студенттеріміз әсем әндерімен мың бұрала билеп, кейіпкерлер ойындар ойнатып, көз тартар көріністер қойды. Жаңа жыл шыршасында балалардың көңілі шат-шадыман. Қатысушы балалар ән жырдан шашу шашып өнерлерін көрсетіп, Аяз атамен Ақшақардан тәттілерін алды.
Келе жатқан Жаңа жылымыз әр шаңыраққа құт, береке, ырыс алып келсін!